Azərbaycan Turizm Assosiasiyası “Travel Trade Show – İTB 2018” sərgisində iştirak edir

Azərbaycan Turizm Assosiasiyası (AZTA) Çinin Şanxay şəhərində keçirilən “Travel Trade Show – İTB 2018” sərgisində iştirak edir.

AZTA- nın təşkilatçılığı ilə sərgidə 8 yerli turizm şirkəti iştirak edir. Şirkətlər müxtəlif reklam vasitələri ilə ölkəmizin turizm potensialını təbliğ edir və potensial tərəfdaşlarla biznes əlaqələrinin qurulması haqqında danışıqlar aparırlar.

Sərgidə Azərbaycanın turizm imkanlarına həsr olunmuş stend iştirakçılar tərəfindən böyük maraqla qarşılanır.
Sərgi şərçıvəsində Azərbaycan Turizm Assosiasiyası və Çinin Turizm Assosiasiyası əməkdaşlıq haqqında Memorandum imzalayıblar. Memorandum birgə lahiyələrin həyata keçirilməsi, beynəlxalq sərgilərdə iştirak, eləcə də qarşılıqlı turist axınını təmin etmək sahələrində əməkdaşlığı nəzərdə tutur.