Beynəlxalq Hava Nəqliyyatı Assosiasiyasının Yeni nəsil qarşılıqlı ödəniş sistemi 16 fevraldan Azərbaycanda tətbiq olunacaq

Azərbaycan Turizm Assosiasiyası (AZTA) və Beynəlxalq Hava Nəqliyyatı Assosiasiyası (İATA) arasında əldə olunmuş razılığa əsasən Yeni nəsil qarşılıqlı ödəniş sisteminin (NewGen ISS) yerli turizm şirkətləri üçün təqdimatı keçirilib.

Azərbaycan Turizm Assosiasiyasının təşkilatçılığı və Beynəlxalq Hava Nəqliyyatı Assosiasiyasının dəstəyi ilə keçirilən təqdimatda 60 yaxın şirkət nümayəndəsi iştirak etdi və məlumatlandırıldı.  Təqdimatın keçirilməsində məqsəd NewGen İSS  sisteminin modullarının ətraflı izah edilməsi, eləcə də,  İATA – ya üzv olan turizm şirkətləri tərəfindən lazımi tədbirlərin görülməsi üçün müvafiq məlumatların verilməsindən ibarətdir.

Qeyd edək ki, Yeni nəsil qarşılıqlı ödəniş sisteminin əsas məqsədi aviaşirkətlər və turizm şirkətləri üçün operativ, təhlükəsiz, səmərəli maliyyə həllərinin təqdim olunmasından, eləcə də BSP IATA sisteminin modernləşdirilməsindən ibarətdir.  Yeni sistem aviaşirkətlərə sürətli qarşılıqlı hesablaşmalar, gəlirlərin təhlükəsizliyi və xərclərin səmərəli bölüşdürülməsi, turizm şirkətləri üçün isə fərdi məhsullar və xidmətlərin təqdim olunması, müştərilərə dəstək alətlərinin yaxşılaşdırılması eləcə də səmərəli biznes həllərinin əldə edilməsinə imkan yaradacaq. Bundan əlavə, yeni nəsil sistemləri sənaye iştirakçılarının ehtiyaclarını daha yaxşı qarşılamaq üçün aviaşirkətlər və agentlər üçün müştərilərin sutka ərzində dəstəyinı təmin etmək üçün nəzərdə tutulub.

NewGen ISS sistemi  Azərbaycanda 16 fevral 2019 –cu il tarixindən tətbiq olunacaq.

Yeni nəsil qarşılıqlı ödəniş sistemi əsas üç moduldan ibarətdir:

  • Üç səviyyəli akkreditasiya – istifadəçilər öz biznes modellərinə uyğun olanı seşmək imkanına malik olurlar;
  • Köçürmələrin maksimum həddi (Remittance Holding Capacity — RHC) – bu modul istifadəçilərin satışlarina zəmanət verir;
  • Defoltdan qlobal sığorta(Global Default Insurance — GDI) – bu modul vasitəsi ilə agentlər aviaşirkətlərə defolt zamanı zərərlərini minimallaşdırmaq üçün optimal maliyyə həlləri təqdim edə biləcəklər;
  • IATA EasyPay— pay-as-you-go  xidmətinin göstərilməsi üçün təhlükəsiz və iqtisadi səmərəli həlldir.